نشأت الديهي يكشف حقيقة اعتذار شخصيات عن تولي مناصب بالحكومة الجديدة (فيديو)

الرئيس نيوز 0 تعليق ارسل طباعة تبليغ حذف
أخبار

الإثنين 01/يوليه/2024 - 12:30 ص 7/1/2024 12:30:02 AM

نشات الديهي
نشات الديهي

كشف الإعلامي نشأت الديهي، حقيقة اعتذار عدد من الشخصيات العامة عن تولي مناصب وزارية في الحكومة الجديدة.

وقال الديهي، خلال برنامج "بالورقة والقلم" المذاع على قناة "تن": "يطلع يقولك أصل التعديل الحكومي اتأخر لأن ناس كتيرة اعتذرت؛ فيه إيه؟، ناس كتير اعتذرت عن تولي المقعد الوزاري، تعففوا يعني استكبروا، شايفين نفسهم أكبر من المنصب الوزاري؟، دا اللي اتقال على منصات أو مواقع، وبقول بشكل واضح غير صحيح جملة وتفصيلا أن أحد اعتذر من المنصب الوزاري".

وأضاف: "غير صحيح أن أحدًا اعتذر ودي روايات وسرديات تعكس حالة من الاضطراب النفسي عند البعض، يا سلام مين هو اللي رئيس الوزراء أو رئيس الجمهورية يقوله تعالي تبقى وزير فيقول لا مش عايز أبقى وزير".

وتابع: "دلوني عليه عشان نعمله برواز، كمان مفيش مصري يطلب لمهمة وطنية يقول لا، معتقدش المصريين كده ومعتقدش حد عنده كفاءة وعنده خدمة يطلب ويقول لا، في حالات اعتذروا عشان السن وبأدب شديد جدا، في اتنين تلاتة على مدار السنوات كدة بيخدموا الدولة، حب البلد مش عايز كرسي مش شرط عشان تخدم البلد تبقي على كرسي ولو اتشالت تقلب على البلد في ناس كده، أعلم أن البعض رأيه في المشهد العام مرتبط بوجوده على الكرسي من عدمه".

واختتم: "قولي هو فين وأنا أقولك رأيه إيه، هو على كرسي ولا برة الكرسي هو مع النخبة اللي بتدير والا مع النخبة اللي بتدار، الناس تتلون وتتصنع وناس كتير بتمثل وتحب الدولة على شرط، ولكن أرجع وأقول رئيس الوزراء لما قابل ناس قابل، كل منصب وزاري ينفع فيه 100 واحد مصر مليانة كفاءات ومخلصين ووطنين، رئيس الوزراء بيدور ويشوف ومش شرط اللي اللي هيجي يبقي أحسن واحد في المكان لكن أحسن واحد في ظل الظروف المحيطة".

إخترنا لك

أخبار ذات صلة

0 تعليق