شاهد.. تامر أمين ينتقد إقامة مباريات "الأندية الغلبانة" عصرا

الرئيس نيوز 0 تعليق ارسل طباعة تبليغ حذف

أكد الإعلامي تامر أمين، أن الأهلي والزمالك أقوى من منظومة كرة القدم في مصر، مشيرا إلى أن الناديين يستمدان القوة من الجماهيرية والتاريخ.

وقال أمين خلال برنامج "آخر النهار" المذاع على قناة "النهار": "كلمتكم كتير عن الزمالك واللي عمله في فكرة الاعتذار أو الانسحاب أمام الأهلي، ثم فوجئنا أنه لعب ماتش سيراميكا ولكن مش هعيد الكلام اللي قلتله وأعتقد كتير أوي من الزملكاوية أيدوا كلامي".

وأضاف: "أنا مؤمن أن الأهلي ميبقاش كبير غير لما يكون الزمالك كمان كبير وقوي وفي عزة، وأنا من المؤمنين أن نادي الزمالك كبير فعلا وواحد من أهم الأندية في الشرق الأوسط والوطن العربي، مينفعش مجلس إدارة النادي يعمل فيه كده ومينفعش يضحك الناس على مواقفه".

وتابع: "نادي الزمالك أكبر بكتير من أنه يعمل الحاجات الصغيرة دي من أجل الشو، القصة المهمة فكرة الغلابة في الدوري المصري والمستقويين، الأندية المستقوية الأهلي والزمالك مستقويين بتاريخهم وشعبيتهم وجمهورهم".

وأكمل: "الناديين دول أقوى من منظومة كرة القدم وأقوى من رابطة الأندية وأقوى من وزير الشباب والرياضة حد عنده اعتراض؟، الوقائع بتقول كده الناديين بشعبيتهم هما اللي بيمشوا منظومة كرة القدم وأنا كلمتكم إمبارح عن فكرة الغلابة والمستقويين واتكلمت من باب العدل والإنصاف وتكافؤ الفرص".

وواصل: "رابطة الأندية واتحاد الكرة عاملين توقيتات غريبة في لعب مباريات الدوري في بداية الموسم قالك عندنا أزمة كهرباء وياحبذا منلعبش ماتشات بالليل وقلنا طيب، فوجئنا أن مش كل الماتشات بتتلعب بالنهار في بعض الماتشات ببتلعب 3-4-5 وفي ماتشات بتتلعب الساعة سبعة".

وأوضح: "الأهلي والزمالك بس بيلعبوا الساعة 7 يكون الشمس طرت، شوفت ماتش للأهلي اتلعب الساعة 3 الضهر؟ شوفت ماتش للزمالك اتلعب 3 الضهر؟ الأهلي والزمالك بس يلعبوا الساعة سبعة والأندية الغلبانة تلعب الساعة أربعة العصر".

إخترنا لك

أخبار ذات صلة

0 تعليق