تجنبوا الهزار .. خبيرة فلك : يومين مناسبين لشغل جديد وإجراء التحاليل

تحيا مصر 0 تعليق ارسل طباعة تبليغ حذف

قالت رحاب منيعم خبيرة علم الفلك، أن القمر في برج العذراء لمدة يومين ونصف، وتكون النتيجة أن الأشخاص تميل إلى التحليل والتفكير والتنظيم.

وأشارت منيعم، في منشور رصده موقع تحيا مصر، عبر حسابها الشخصي على موقع التواصل الاجتماعي فيسبوك «وده بيخلي عقلنا بيميل للتفكير والتحليل والتنظيم وعادة بيكونوا افضل يومين لترتيب امورنا واعادة حسابتنا وتنظيم وتنضيف البيت او مكاتبنا والاهتمام بالحسابات ومراجعة كل الامور اللي محتاجة ننهيها  ونراجعها.

وتابعت، «الناس بتميل للجدية وانشغالها باعمالها مع قمر العذراء فدايما تجنبوا الهزار مع اللي متعرفهومش وبيكونوا يومين جيدين لمناقشة العمل او التجارة وللتقديم لوظايف 

يومين مناسبين لاجراء الاشاعات والتحاليل ومراجعة الاطباء ولسه مكمل تحذير من الجراحة والحجامة والليزر ل21 يوليو 

القمر في اتصالات مع بيوت الأبراج المائية وده ممكن يزود نسبة الرطوبة في الجو والشبورة المائية وكمان يزود فرص سقوط الامطار او يزود نشاط الكوارث المائية في بعض الدول».

ونوهت خبيرة علم الفلك، «من مساء اليوم ولصباح بكرة شوية نتوقع شوية تعطيلات احيانا خاصة في الدواير الحكومية أو لو حد بيطلب طلب من شخص له سلطة عليه زي مدير أو أب لو عايزين وقت افضل اما نهار النهاردة او مساء بكرة، ربما تغيرات في امور تتعلق بوظايف مهمة او مجال الاعلام والكتابة وارد مشاكل تخص ممرات مائية او سفن او حوادث غرق، بيزيد مشاكل الجهاز الهضمي فيفضل تاكلوا اكل صحي وتبطلوا رمرمة».

تحذير من الأطعمة التي يتناولها الأطفال 

ونوهت، «خلوا بالكم وانتوا بتاكلوا وخاصة الاطفال علشان هيميلوا لرمي اي حاجة في بؤهم الفترة دي وابعدوهم عن اي مكان عالي في اللعب، وانتبهوا طبعا لمصادر الغاز وبلاش الخلطات العجيبة اللي بتعملوها للتنضيف»

أفضل وقت لقص الشعر 

ونوهت، «مش مفضل قص الشعر على قمر ناري والقمر لسه بأول الشهر القمري لكن مفيش مشكلة لتغيير المظهر 

من بكرة القمر هيعمل تربيع مع المريخ واورانوس بيزيد نشاط الحرايق والحوادث وربما حادث او حريق او انهيار لاماكن لها طابع ترفيهي أو اماكن تجمعات».

تحذير لمرضى القلب 

وحذرت خبيرة الفلك، مرضى القلب لزيادة التعرض للازمات القلبية المفاجئة خلال الـ 3 ايام القادمة ولا يفضل اجراء عمليات تخص العمود الفقري.

إخترنا لك

أخبار ذات صلة

0 تعليق